كشري دوكو لعبة ببلاش من «تلاهي»، على الموقع ده وفي تطبيق كشري دوكو على أندرويد. لما تستخدم الموقع أو التطبيق انت موافق على الشروط دي وعلى سياسة الخصوصية.
الحساب
- التسجيل بجوجل اختياري: اللعبة كلها (المراحل ولغز اليوم وتحدي الأسبوع والأرشيف) بتتلعب من غير تسجيل على الموقع وفي التطبيق، وتقدمك بيتحفظ على موبايلك. ولو سجّلت تقدمك بيتحفظ على حسابك كمان وتكمّل من أي موبايل. لوحة الشرف بس محتاجة تسجيل، ونقطك بتظهر فيها بعد ما تسجّل.
- حساب واحد لكل شخص، وانت مسؤول عن اللي بيحصل منه.
اللعب النضيف
- ممنوع البوتات والسكريبتات، وممنوع التلاعب في الطلبات أو في السيرفر.
- لو لقيت غلطة في اللعبة بلّغنا بيها، ماتستغلهاش.
- الحلول اللي شكلها مش طبيعي بتستخبى من لوحة الشرف لحد ما فريق اللعبة يراجعها: يا ترجع، يا تتشال ونقطها تتخصم. ومن حقنا نشيل نقط أو نقفل حساب بيغش.
الأسماء والاحترام
- ماتختارش اسم مستعار فيه شتيمة أو إساءة، أو بينتحل شخصية حد. من حقنا نغيّر أي اسم أو نشيله.
المحتوى
اللعبة والألغاز والرسومات والمزيكا ملك «تلاهي». ماتنسخهاش ولا تبيعها من غير إذن.
الخدمة
- بنقدّم الموقع والتطبيق زي ما هما، ومش مضمون إنهم يشتغلوا طول الوقت من غير أعطال.
- ممكن نغيّر أو نوقف أي حاجة، أو نصفّر لوحة الشرف، من غير إنذار.
- التقدم المحفوظ في متصفحك أو في التطبيق ممكن يضيع لو مسحت بياناته، إلا لو كنت مسجّل (بيرجع من حسابك).
- في حدود القانون، مش مسؤولين عن أي خسارة بتيجي من استخدام الموقع أو التطبيق.
الإعلانات والشرا
مفيش إعلانات حقيقية ولا شرا دلوقتي. فيه «إعلان تجريبي» من اللعبة نفسها بس: لما التلميحات أو «حط طبق» أو «علّم X» تخلص، تقدر تفتحه وتستنى ثواني قليلة وتاخد واحدة زيادة، لحد ٥ مرات في اليوم. مفيش فيه معلِن ولا شبكة إعلانات، وبنعد مرات فتحه وتكملته من غير أي بيانات عنك (سياسة الخصوصية). المكافأة دي جزء من اللعبة، مالهاش قيمة بره اللعبة، وممكن نغيّرها أو نشيلها. ولو ضفنا إعلانات حقيقية أو شرا هنحدّث الشروط وسياسة الخصوصية قبلها.
السن
الموقع والتطبيق مش موجّهين للأطفال تحت ١٣ سنة.
إنهاء الحساب
تقدر تبطّل تلعب وتمسح حسابك بنفسك في أي وقت: «امسح حسابي» في الإعدادات، أو صفحة /delete-account (التفاصيل في سياسة الخصوصية). وإحنا ممكن نقفل حساب بيخالف الشروط دي.
التغييرات
لو غيّرنا الشروط هنحدّث الصفحة وتاريخ «آخر تحديث» اللي فوق.
التواصل
تلاهي، Business@talahy.com